Isinagawa ang kauna-unahang Gender and Development (GAD) Summit sa City Gymnasium ng Alaminos City, Pangasinan bilang bahagi ng pagdiriwang ng Buwan ng Kooperatiba ng pamahalaang lungsod nito lamang ika-16 ng Oktubre 2023.
Inorganisa ito ng City Cooperatives Development Office upang mas maiangat ang kamalayan ng mga miyembro ng GAD committees mula sa iba’t ibang kooperatiba hinggil sa mga probisyon ng Magna Carta of Women o ang komprehensibong batas sa karapatang pantao ng mga kababaihan.
Kabilang pa sa mga tinalakay sa nasabing aktibidad ang Women Empowerment at Reproductive Health at kinilala din ang mga nagwagi sa poster making contest.
Patuloy naman ang mga namumuno sa lungsod ng Alaminos sa pagpaplano at pagsasagawa ng mga aktibidad kung saan may layunin na iangat pa ang pamumuhay ng kanilang nasasakupan.
