Nakatanggap ng libreng spay at neuter ang mga alagang hayop ng mga residente ng Angeles City na hatid ng Angeles City Veterinary Office na ginanap sa Angeles City Hall Animal Pound nito lamang Lunes, ika-16 ng Oktubre 2023.
Ito ay programa ni Hon Carmelo Lazatin Jr., Mayor ng Angeles City katuwang ang mga tauhan ng City Veterinary Office.
Sumailalim sa naturang operasyon ang mga alagang pusa at aso ng mga residente.
Ayon sa Lokal na Pamahalaan ng Angeles City, ito ay naglalayong mabawasan ang pet overpopulation ng mga homeless pets at maiwasan ang pagkalat ng rabies sa kanilang nasasakupan.
Lubos na pagsasalamat ang mga residente sa walang sawang paghahatid ng serbisyo at hinihikayat ni Mayor Lazatin ang kanilang nasasakupan na dalhin ang kanilang mga alagang hayop upang sumailalim sa nasabing operasyon.
