Nagsagawa ng Information Caravan ang Department of Social Welfare and Development Field Office 1 sa Aurora Park, Laoag City, Ilocos Norte nito lamang Miyerkules, ika-04 ng Oktubre 2023.
Aktibong nakilahok sa nasabing aktibidad ang mga residente ng Laoag City, Ilocos Norte na may potensyal na maging benepisyaryo ng Sustainable Livelihood Program (SLP).
Ang nasabing ahensya ay namahagi din ng impormasyon patungkol sa iba’t ibang programa at serbisyo ng DSWD, kabilang ang Disaster Preparedness.
Samantala, hindi naman titigil ang DSWD FO1 sa pagbibigay serbisyo at tulong sa mga kababayan sa Rehiyon Uno upang guminhawa ang kanilang pamumuhay.
