Nagkaisa ang iba’t ibang ahensya ng pamahalaan sa isinagawang Tree Planting Activity sa Barangay Comitang, Sto. Domingo, Nueva Ecija nito lamang Linggo, Setyembre 24, 2023.
Dumalo sa aktibidad ang mga tauhan ng Municipal Disaster and Risk Reduction Management Office, Bureau of Fire Protection, Philippine National Police at mga BPATs kasama ang mga Non-Government Organizations (NGOs).
Matagumpay ang aktibidad kung saan nakapagtanim ng iba’t ibang klase ng punong-kahoy sa lugar.
Layunin nito na makapagtanim ng mga puno upang muling mapayabong ang kapaligiran at maiwasan ang pagbabago ng klima na dulot ng global warming na nararanasan ng bansa.
Patuloy ang pagtutulungan ng mga ahensya ng pamahalaan katuwang ang mga non-government organization sa pagpapanatili ng kagandahan ng kapaligiran at pangangalaga ng kalikasan.
