Nagbalik ng nawawalang wallet ang isang guro ng Cudog National High School sa isang radio network nito lamang ika-20 ng Septembre 2023.
Ayon sa guro na si Mrs Carmelyne Taguiling , nakita nito ang isang itim na sling bag sa may National Highway, Hucab, Kiangan, Ifugao.
Ang bag ay naglalaman ng driver’s license at brown wallet na may perang nagkakahalaga ng Php77,000.
Dahil sa katapatan ng guro ay naibalik ito sa may-ari na si Mr. Nelson Bersamin, isang tricycle driver ng CENTROTODA.
Labis naman ang pasasalamat ng may-ari ng sling bag sa guro dahil naibalik sa kanya ang kanyang lisensya at pera na kanyang gagamitin sa kanyang pangangailangan.
