Naging tampok ang largest wedding cake ng Hotel and Restaurant Association of Baguio (HRAB) sa pagdiriwang ng 16th Hotel, Restaurant, and Tourism Weekend na ginanap sa SM Baguio Atrium, Baguio City nito lamang ika-2 ng Setyembre 2023.
Ang four-layered wedding cake na may sukat na 24 feet by 18 feet (base), 18 feet by 14 feet (second layer), 14 feet by 10 feet (third layer) at may taas na halos 40 talampakan ay binuo ng 25 professional pastry chefs at 40 na estudyante.
Ito ay may kabuuang 12,000 slices na may iba’t ibang flavors gaya ng Red Velvet, Chocolate Truffle, Banana, Carrot, at Blueberry Vanilla na talaga namang tinangkilik at pinagsaluhan ng mga residente, mall goers, turista at mga bisita.
Bukod pa rito ay nagpalitan din ng panata ang 11 mag-asawa sa isinagawang mass wedding ceremony na pinangunahan ni Mayor Benjamin Magalong, na bahagi rin ng pagdiriwang ng 114th Baguio Day Anniversary.
Samantala, ang unveiling ng pinakamalaking wedding cake ay pinangunahan ng US Ambassador to the Philippines Her Excellency Marykay L. Carlson, Congressman Mark Go, Mayor Benjamin Magalong, Mrs Arlene Magalong, DOT-CAR Regional Director Jovi Ganongan, Baguio Tourism Council President Gladys Vergara de Vera, HRAB President G. Anthony De Leon, HRAB Chairman G. Jeff Ng, at iba pang opisyal ng lungsod.
