Boluntaryong sumuko ang isang miyembro ng New People’s Army (NPA) sa mga awtoridad sa San Jose Norte, Manabo, Abra nito lamang ika-23 ng Agosto 2023.
Ang sumuko ay kinilala bilang isang miyembro ng CPP-NPA-Terrorist (CNT) na kumikilos sa buong lalawigan ng Abra.
Ayon sa ulat, sumuko ang nasabing rebelde matapos ang sunud-sunod na negosasyong isinagawa ng magkasanib na operatiba ng Abra PNP at Philippine Army.
Patuloy ang pamahalaan sa panawagan sa mga natitira pang miyembro ng NPA na magbalik-loob upang makasama ang kanilang sariling pamilya.
