Boluntaryong isinuko ng isang indibidwal ang isang loose firearm sa PCP 1 Naiba, Tuding, Itogon, Benguet nito lamang ika-12 ng Hunyo 2023.
Batay sa ulat, isinuko ng isang residente ng nasabing lugar sa isang barangay tanod ang isang Caliber .38 revolver na walang serial number, walang bala, at may Smith at Wesson marking sa kaliwang bahagi na barrel at .38 S&W Special OTG sa kanang bahagi ng baril.
Ang nasabing pagsuko ay naglalayong suportahan ang kampanya ng gobyerno laban sa paggamit ng ilegal na armas.
Samantala, patuloy na hinihikayat ng pulisya ang mga mamamayan na may tinatagong baril o ano mang ilegal na armas na isuko upang hindi magkaroon ng kaso.
