Ligtas ang isang indibidwal sa naganap na vehicular accident sa Barangay Middle Rock Quarry, Baguio City nito lamang Hunyo 6, 2023.
Ayon sa mga saksi, bumaliktad ang sasakyan matapos nitong mabangga ang isang stonewall sa gilid ng kalsada nang tila nagkamali ang drayber sa pagtansya sa kanyang pagliko.
Agad naman itong nirespondehan ng mga tauhan ng Baguio City Police Office Station 1, POSD enforcers at mga barangay officials at agad dinala ang driver sa hospital.
Samantala, nanawagan naman ang mga awtoridad sa lahat ng motorista na maging alerto at mag-ingat sa pagmamaneho lalo na sa panahon ng tag-ulan.
