Binigyang parangal ang Department of Social Welfare and Development Field Office 1 ng Office of the Vice President of the Republic of the Philippines sa Awarding Ceremony ng Pasidungog nito lamang Lunes, ika-05 ng Hunyo 2023.
Ang naturang parangal ay para sa natatanging kontribusyon ng DSWD FO1 sa pagpapaangat ng kabuhayan ng bawat Pilipinong lubos na nangangailangan.
Isa rin itong pasasalamat ng Pangalawang Pangulo sa Kagawaran bilang isa sa mga ahensyang katuwang nito sa pagpapalaganap ng mga programa at serbisyong makakatulong sa bawat sektor ng maralitang Pilipino.
Dahil dito, makakaasa ang buong Rehiyon Uno na patuloy ang pagbibigay malasakit at buong pusong serbisyo sa buong Ilocandia!
