Nakiisa ang Lokal na Pamahalaang Lungsod ng Alaminos sa isinagawang Regional Launching ng Halina’t Magtanim ng Prutas at Gulay sa Barangay Project (HAPAG) ngayong araw ika-5 Hunyo 2023.
Layunin ng programa na hikayatin, palakasin at paunlarin ang mga gawaing pang-agrikultura sa pamamagitan ng pagtatanim ng prutas at gulay sa espasyo ng kanilang barangay pati na rin sa kani-kanilang bakuran.
Pinangunahan ni CLGOO Victoria Jean P. Dawis ng Department of Interior and Local Government – Alaminos City ang nasabing programa at nagpaabot naman ng suporta si Mayor Arth Bryan C. Celeste sa pamamagitan ni Vice Mayor Jan Marionne Fontelera.
Ang matagumpay na launching ng HAPAG ay pinangunahan ng City Agriculture Alaminos katuwang ang Barangay Sta. Maria ng Lungsod.
Source: LGU-Alaminos
Panulat ni manlalakbay
