Nagsagawa ng fumigation ang Angeles City Health Office- Sanitation Division sa Barangay Salapungan, Angeles City nito lamang Miyerkules, ika-31 ng Mayo 2023.
Ang nasabing proyekto ay sa pamumuno ni Mayor Carmelo Lazatin Jr. para sa mga residente ng naturang lungsod.
Naglalayon itong mapuksa ang mga insekto at lamok na maaaring magdala ng sakit lalo na ngayong paparating na panahon ng tag-ulan.
Ang Pamahalaang Lungsod ng Angeles ay patuloy sa pagsasagawa ng mga aktibidad upang masiguro ang kaligtasan ng bawat mamamayan sa kanilang nasasakupan.
