Nagtapos ngayong araw ang mga kasapi ng Regional Association of Women with Disabilities (RAWWD) at Regional Association of Persons With Disabilities sa lungsod ng Alaminos, Pangasinan sa isinagawang dalawang araw na Planning Session cum Leadership Training.
Naisakatuparan ang training sa pangunguna ng City Social and Welfare Development Office, na pinangangasiwaan ni CSWD Officer Elizabeth Radoc, na may temang “Nothing for Us. Without Us.”
Layunin ng pagsasanay na maturuan silang ipagtanggol ang kanilang karapatan, mabigyan ng pantay na pagkilala at pagpapahalaga sa lipunan at paghubog sa mga katangiang kailangang taglayin para maging isang mahusay at epektibong lider sa kabila ng kanilang kapansanan.
