Daan-daang mamamayan ng Callao sa bayan ng PeƱablanca, Cagayan ang nabigyan ng serbisyo sa isinagawang Medical, Dental and Legal Services at Free Haircut na pinangunahan ng Don Severino Pagalilauan National High School Alumni Association at ng Philippine Information Agency Region 2.
Ang mga doktor at mga dentista mula sa Cagayan Valley Medical Center, Bureau of Fire Protection Dental Service Section at PNP PeƱablanca ang nagbigay serbisyo para sa medical and dental services.
Samantala, mga abogado mula sa Cagayan State University naman sa legal service at mga sundalo mula sa 17th at 77th Infantry Battalion sa free haircut.
Lubos ang pasasalamat ng mga benepisyaryo at opisyal sa libreng serbisyo na inihatid ng grupo sa kanilang lugar.
Ang nasabing aktibidad ay bahagi ng Foundation Day ng nasabing paaralan na may layong ibalik sa komunidad ang mga suporta at tulong ng barangay sa eskwelahan.
Mula sa mga barangay ng Aggugaddan, Malibabag, Quibal, Callao, Nannarian, San Roque at Sisim ang mga nakibahagi sa nasabing aktibidad.
Source: PIA 2
