Napuno ng kasiyahan at pasasalamat ang selebrasyon ng People’s Night para sa kapistahan ng Barangay Maasin nitong Abril 28, 2023 sa Barangay Maasin Covered Court, Mangaldan, Pangasinan.
Iprinisenta ni Councilor Rolly Abalos, Liga ng mga Barangay President at Chairman ng Barangay Maasin, ang lahat ng participating entities mula sa iba’t ibang sektor na nakisaya sa kapistahan.
Sa pambungad na mensahe ni Councilor Abalos, pinasalamatan niya ang kanyang kabarangay sa patuloy na pagsuporta nito sa matagumpay na pagsusulong ng mga programa at proyekto sa pangunguna ng konseho ng barangay katuwang ang Lokal na Pamahalaan.
Ipinakilala naman ni Ms. Helen Aquino, Chief, Administrative Officer at Public Employment Service Officer (PESO) Designate si Mayor Bona Fe De Vera Parayno bilang Guest of Honor and Speaker sa nasabing selebrasyon kung saan kanyang ibinida ang kaliwa’t kanang mga parangal na natanggap ng bayan sa ilalim ng administrasyon ng alkalde.
Pinuri ng Mayor Bona ang pinapakitang pagkakaisa at pagmamahalan ng mga mamamayan ng Maasin na siya aniyang tunay na diwa ng kapistahan.
Bukod sa kasiyahan, ang kapistahan din ayon sa alkalde ay oras din ng pasasalamat sa mga biyayang natatanggap mula sa Maykapal.
Bilang pagpupugay sa matagal na pagseserbisyo publiko, kinilala ang lahat ng mga three-termer barangay officials mula sa Maasin na pinangunahan ni Councilor Abalos sa kanilang huling termino ng pagiging punong barangay.
Tampok din sa selebrasyon ang Don Podring Orchestra mula sa Basista, Pangasinan na nagpaindak sa mga nakisaya sa kapistahan.
Isang mainit na pagbati ng Happy Fiesta sa lahat ng mga kabarangay sa Maasin mula kay Mayor Bona kasama ang mga opisyal at kawani ng LGU at buong bayan ng Mangaldan.
