Bumida sa pagdiriwang ng Strawberry Festival ang twin giant strawberry cake na gawa sa snow white strawberries at red strawberries sa La Trinidad, Benguet nito lamang ika-18 ng Marso 2023.
Ang giant strawberry cake ay may taas na 7 feet, may habang 14 feet, at diameter na 5 feet at umabot naman sa 275 kilos na strawberries ang ginamit sa pag-bake nito.
Ang unveiling at ceremonial slicing ng twin giant strawberry cake ay pinangunahan ng mga lokal na opisyal ng La Trinidad na sina Mayor Romeo Salda at Vice Mayor Roderick Awingan kung saan ito ay hinati sa 16,000 na piraso – ang 1,000 slices ay ipinamigay habang ang iba ay ibinenta ng Php30.00 kada slice.
Ang bakers ng naturang cake ay sina Mignonette Balao ng Apple Blossom Bakery, Jayne Ducusin ng Badu Cakes and Coffee, Normancita Obar ng Menchie’s Bakery, at Adelaine Dormiendo ng Ad’laines Bakery.
