Nauwi sa kamatayan ang dapat na masayang paglalaro ng dalawang magkapatid na 11 anyos at 9 anyos na residente ng Brgy. Demang, Sadanga, Mt. Province nito lamang Marso 15, 2023.
Ang dalawang magkapatid ay parehas na nag-aaral sa elementarya at naninirahan sa kanilang lolo, sa Brgy. Bekigan, Sadanga, Mt. Province.
Ayon sa ulat, pagkauwe ng magkapatid galing sa eskwelahan ay naglaro ang magkapatid nang nadiskubre nila ang isang caliber 22 riffle.
Kinuha at pinaglaruan ang baril na kanilang nakita at nang biglang aksidenteng napaputok ng 9 anyos na bata ang baril na tumama sa noo ng 11 anyos na kapatid na nagresulta sa biglaang pagkamatay.
Patuloy ang panawagan ng Sadanga PNP na maging responsibleng may-ari ng baril at iwasang maabot ng mga bata upang hindi na mangyari sa susunod.
