Umabot ng 2⁰C ang temperatura at muling naitala ang frost o andap sa Paoay, Atok, Benguet nito lamang umaga ng Marso 7, 2023.
Base sa air temperature na nakalagay sa beranda ng bahay ni Mr. PJ Haight, umabot sa 2⁰C ang temperatura na dahilan upang mabalot ng frost o andap ang mga pananim sa nasabing lugar.
Naranasan din ang andap sa lugar ng Balicanao, Sadsadan, Bauko, Mt. Province.
Ang pagyeyelo ng mga pananim at paglamig ng temperatura ay dala ng Northeast Monsoon o Hanging Amihan.
