Namataan ang isang makamandag na Philippine Cobra sa labas ng isang bahay sa Sakasakan, Sadanga, Mountain Province, nito lamang ika-27 ng Pebrero 2023.
Makikita sa Facebook Post ni Ms. Grace Pangayan, ang larawan ng ahas na nasa gilid lamang ng kanilang tahanan.
Ayon sa mga eksperto, ang mga ahas ay umaalis sa kanilang mga natural habitat sanhi ng pagkasunog ng kagubatan at marahil din sa climate change.
Ayon kay PHO II Annie Claire B. Pekas ng Provincial Health Office Mt. Province, meron lamang limitadong antivenin sa buong bansa at hindi lahat ng health facilities ay meron nito.
Dagdag pa ni Ms. Pekas, kapag nakagat ng ahas, dalhin agad ang biktima sa hospital at alamin kung anong uri ng ahas ang kumagat para sa initial management at wastong pagrefer sa higher centers kung kinakailangan.
