Sumailalim sa hands-on training ng vegetable production ang mga miyembro ng Rural Improvement Club (RIC)- Iguig na ginanap sa Cagayan Farm School and Agri-tourism Center sa Anquiray, Amulung, Cagayan noong Pebrero 21, 2023.
Ayon kay Dr. Pearlita P. Mabasa, Provincial Agriculturist ng Pamahalaang Panlalawigan ng Cagayan, ang 30 na miyembro ng RIC ay nagtanim ng iba’t ibang klase ng gulay kabilang ang pang-pinakbet at pang-sinigang na paboritong ulam ng mga Cagayano.
Naturuan ang mga nasabing miyembro kung ano ang mga tamang hakbang ng pagtatanim at pag-aalaga ng mga gulay.
Samantala, ang mga serye ng pagsasanay ng mga miyembro ng RIC, corn at rice farmers sa Farm School ay bahagi ng adhikain ni Governor Manuel Mamba na ihanda ang sektor ng magsasaka sa plano niyang pagkakaroon ng Cagayan International Gateway Project (CIGP) sa buong lalawigan.
Source: Cagayan Provincial Information Office
