Naghatid ng mga kagamitan sa pag-aaral ang Pamahalaang Lungsod ng Angeles para sa mga mag-aaral ng City Hall Child Development Center nito lamang Martes, ika-7 ng Pebrero 2023.
Ang pamimigay ng mga kagamitan ay pinangunahan ni Hon. Carmelo “Pogi” Lazatin, Jr., City Mayor katuwang ang City Nutrition Office at Gender and Development Office.
Bakas sa mga mukha ng mga bata ang saya nang matanggap ang mga libreng P.E. uniform, sapatos, bag, libro, notebook at food packs naman para sa mga magulang.
Samantala, namigay rin ng libreng vitamins sa mga mag-aaral ng nasabing paaralan.
Layunin ng aktibidad na mabigyan ng mga kagamitan ang mga mag-aaral upang maging komportable at aktibo sa pag-aaral.
