Halos lahat bata man o matanda ay may hawak nang cellphone. Maliban dito, kinakailangan din nito ng phone case bilang proteksyon.
Minsan basta may phone case okay na, pero kung may mag-aalok sa’yo ng customized phone case at ipipinta ang nais mong design aayaw ka pa ba?
Kilalanin si Christian Balinuyus mula sa Solana, Cagayan. Isang freelance artist na hindi lang pagguhuhit at pagpipinta ang hilig kundi ito ay naging passion na niya.
Ayon kay Christian, ang kanyang pagpipinta ng customized phone case ay malaking tulong hindi lamang upang malinang pa ang kanyang talento kundi pati na rin sa kanyang pag-aaral partikular sa aspetong pinansyal.
Liban sa paglikha ng customized phone case, tumatanggap din si Christian ng commissioned charcoal painting pandagdag sa mga pangangailangan niya sa pag-aaral.
Aniya, nakadepende ang presyo sa design na ipapagawa.
Sa kasalukuyan ay 4th year college na si Christian sa Cagayan State University Piat Campus at kumukuha ng programang Bachelor of Science in Information Technology.
Source: PIA 2 Fb Page
