Binigyang pagkilala ng Department of Education-Bokod District ang natatanging paggawa ng mga tauhan ng Bokod Municipal Police Station sa isinagawang “IYAMAN” 2022 Program (Integrity Yields Accomplishment, Modifies Advancement, and Nurtures Excellence) na ginanap sa Ambuklao Elementary School, Bokod, Benguet nito lamang ika-2 ng Disyembre taong kasalukuyan.
Nakatanggap ng Certificate of Recognition ang Bokod MPS dahil sa kanilang natatanging paggawa, pagsusumikap at suporta na ipinakita at ibinigay sa DepEd-Bokod. Pasasalamat naman ang naging pahayag ng Bokod MPS sa natanggap nilang pagkilala at nangakong pagbubutihin pa ang kanilang serbisyo publiko upang lalong pagtibayin ang kanilang ugnayan ng DepEd Bokod tungo sa maayos na edukasyon para sa mga mag-aaral na kanilang nasasakupan
