Nagkaloob ang Pamahalaang Lungsod ng Tarlac ng tulong pangkabuhayan para sa mga mamamayan ng Tarlac na ginanap sa Kaisa Convention Hall, Tarlac City nito lamang Biyernes, ika-2 ng Disyembre 2022.
Matagumpay na ipinagkaloob ang mga pangkabuhayan sa pangangasiwa ng Tarlac City Social Welfare and Development Office.
Umabot sa 126 na benepisyaryo ang nabigyan ng tulong pinansyal na maaaring gamitin bilang dagdag puhunan para sa kanilang negosyo.
Ang programa ay naglalayong magbigay ng tulong sa mga mamamayan ng Tarlac City upang makapagsimula ng kanilang negosyo at makatulong ito sa kanilang pamumuhay.
