Timbog ang tatlong foreign nationals sa isinagawang anti-illegal drugs operation ng mga awtoridad sa Victoria Village, Baguio City nito lamang ika-5 ng Nobyembre taong kasalukuyan.
Kinilala ang mga naarestong suspek na sina Ephraim Samuel, 23; Jeremiah Ishaya, 21, pawang Nigerian Nationals at resident boarders sa Purok 5, Victoria Village, Baguio City at Amelia Paixao, 22, Angolian, residente ng Eagle Crest Subdivision, Bakakeng North, Baguio City.
Ang tatlong Foreign Nationals ay kabilang sa High Value Individuals.
Naaresto ang mga suspek sa isinagawang Search Warrant sa tirahan ng mga suspek na nagbunga ng pagkakadiskubre ng pitong pirasong transparent zip lock ng pinaghihinalaang pinatuyong dahon ng marijuana.
Nakumpiska sa mga suspek ang humigit kumulang 95 gramo ng pinatuyong dahon ng marijuana na may standard price na Php11,400 at iba’t ibang drug paraphernalia.
