Nagsagawa ng pamamahagi ng Php4,600 ang Department of Social Welfare and Development Field Office 02 sa bawat miyembro ng indigent senior citizen na kabilang sa 3,547 target na benepisyaryo ng Cabagan, Isabela noong ika-5 ng Nobyembre 2022.
Sa ilalim ng Unconditional Cash Transfer (UCT) at Targeted Cash Transfer (TCT) ay naipamahagi ang nasabing halaga. Sa pamamagitan ng pakikipagtulungan ng Land Bank of the Philippines Cabagan Branch at LGU, matagumpay at maayos na naisagawa ang bawat proseso ng pamamahagi.
Layunin ng DSWD Region II na matugunan ng maagap ang pangangailangan ng mga mahihirap na mamamayan bilang pagpaparamdam sa kanila ng mapagkalingang serbisyo mula sa gobyerno.
Source: DSWD Region II
