Naiyuswat ti Department of the Interior and Local Government (DILG) HOTLINE iti Munisipyo ti La Trinidad, Benguet itay nabiit sadiay Benguet National High School.Kumuha Ng Mapa
Indauluan daytoy ni Atty Anthony Nuyda, CESO III, Regional Director ti Department of the Interior and Local Government (DILG).
Iti mensahe ni Atty Nuyda, impettengna a napateg ti DILG HOTLINE 911 gapu ta agserserbi daytoy kas communication link para ti panangireport kadagiti emergencies, panangfacilitate kadagiti coordinations ken panagkonekta ti publiko para iti umno a responders.
Nagpalagip met daytoy iti publiko iti umno a panagaramat ti Hotline number kas iti saan a panagaramat iti daytoy tapnu mangprank ken daduma pay a mang-singa iti napatpateg a kasapulan a respondean dagiti otoridad.
Sigun kenni Pltcol Zacharias Caloy Dausen, Chief of Police ti La Trinidad Municipal Police Station (LTMPS), adda metten ti maipasdek a Command Center iti Munisipyo ti La Trinidad.
Impeksa daytoy nga iti agdama, ti maaw-awagan ket hotline ti Philippine National Police (PNP) ken daduma pay nga ahensya no sadinno ti kadawyan a mapaspasamak, apaman a matawagan ti Municipal Disaster Risk Reduction and Management Office (MDRRMO), ti nasao nga ahensya ti mang-awag manen kadagiti maseknan nga ahensya a mabalin a mangresponde iti kasapulan ti immawag.
Gapu iti daytoy, makatulong ti 911 Hotline a mangintegrate iti Command Center a ma-establish iti building ti MDRRMO.
Innayon pay ti nasao nga opisyal nga adda metten ti nailatag a pondo a P14 Milyon para kadagiti CCTVs a maimuntar idiay town bayat a nailatang met ti P9 Milyon para kadagiti babbarangay no sadino dagiti nasao a CCTV ket maikonekta iti Command Center apaman a malpas daytoy a maimuntar.
Agserbi met kas joint system ti Command Center no sadino karamanen ditoy ti Philippine National Police (PNP), Bureau of Fire Protection (BFP), Municipal Disaster Risk Reduction and Management Office (MDRRMO), Mayor’s Office, ken dadduma nga opisina nga agop-operate iti 24/7.
Impeksa met ti PLTCOL Dausen a babaen iti Command Center ken pannakaintegrate ti 911 Hotline, mapapartak pay ti panagresponde ken panangidispatchda kadagiti personnel dagitoy.
Source: Bombo Radyo Baguio
