Pormal a naitalaga ni General Antonio G. Nafarrete a 61st Chief of Staff ti Armed Forces of the Philippines (AFP) idi Hulyo 21, 2026 idiay Camp General Emilio Aguinaldo, Quezon City idi Change of Command ken Retirement Ceremony nga inipanguloan ni Presidente Ferdinand R. Marcos Jr. Simmukat isuna ken General Romeo S. Brawner Jr., nga isu ti nagserbi iti tallu a tawen akas Chief of Staff ti AFP manipud 2023 inggana 2026.
Sakbay a naitalaga, ni General Nafarrete ket nagserbi kas Commanding General ti Philippine Army. Maysa isuna a graduate ti Philippine Military Academy “Bigkis-Lahi” Class of 1990 ken addaan isuna ti adu a kapadasan iti panangidaulo kadagiti military unit iti nadumaduma a lugar iti pagilian. Nakalpas met isuna iti nagduduma a military training iti Estados Unidos a kas iti US Army Ranger Course, Joint and Combined Warfighting Course idiay National Defense University, ken Comprehensive Security Response to Terrorism Course idiay Asia-Pacific Center for Security Studies.
Iti mensahena, kinuna ni General Nafarrete a itultuloy ti AFP ti panangsalaknib iti daga, baybay, ken soberania ti Pilipinas. Kinunana a nasken nga agtalinaed a nakasagana dagiti soldado tapno masiguro ti talna, seguridad, ken panagsayaat ti biag dagiti Pilipino.
Ti panakaitalaga ni General Nafarrete ket mangipakita iti panagtultuloy ti misyon ti AFP a mangsalaknib iti pagilian ken agserbi iti umili. Babaen iti napigsa a liderato ken panagtitinulong, namnamaen a mapapigsa pay ti kakayahan ti AFP iti panangdepensa iti Pilipinas ken panangsalaknib iti interes ti bansa.
Source: AFP (https://www.facebook.com/share/p/1CuF3RyzZ8/)
Insurat ni Kopi
