Nasarakenen dagiti agama nga immunan a naireport a mapukpukaw kalpasan a napanda nagkalap iti kabaybayan idiay Barangay Puro, Magsingal, Ilocos Sur idi July 18, 2026.
Dagiti agama ket da Santy Villasper Cortez, agtawen iti tallopulo ket siam, addan ti live-in partner; ken James Lorenz Capiral Cortez, agtawen iti sangapulo ket siam, baro nga agpada nga agnaed iti nasao a lugar.
Personal a nagturong ni Angela Casanova Capiral, agtawen iti uppat a pulo, live-in partner ni Santy, iti Magsingal Municipal Police Station ket impakaammona iti mapapati a pannakapukaw ti live-in partner-na ken anakna.
Kinunana nga idi alas dies iti rabii iti July 18 ket pimmanaw dagiti agama tapno mapan agkalap iti kabaybayan usar iti blue motorized banca nga adda nakaipan a nagan a “SOPHIA”.
Naammoan a nagturongda iti mapatta-patta a 47-52 nautical miles iti amianan a paset iti shoreline ngem saanda a dagus a nakaawid iti pagtaenganda a gappuanan ti panagreport ni Angela.
No pay kasta ket kinumpirmaran ti Magsingal Municipal Police Station a nasarakanen dagiti agama ket natalgeden iti kasasaadda.
Source: Bombo Radyo Baguio
