Sakong-sakong plastik ang dala-dala ng mga residente bilang tugon sa Walang Plastikan-Plastik Palit Bigas Project ng Angeles City Local Government Unit (LGU) sa Barangay Ninoy Aquino, Angeles City nito lamang Huwebes ika-30 ng Nobyembre 2023.
Ito ay sa ilalim ng proyekto ni Hon. Carmelo Lazatin Jr., Mayor ng Angeles City.
Kapalit ng isang kilong plastik ay isang kilong bigas na malaking tulong sa mga Angeleños sa kanilang pang araw-araw na pagkain at bawas na rin sa mga gastusin.
Layunin din ng naturang proyekto na mabawasan ang mga plastik na nakakalat at maiwasan ang pagbabara sa mga kanal ng nasabing siyudad.
