Dumalo ang mahigit isang daang benepisyaryo ng Tulong Panghanapbuhay sa Ating Disadvantaged Workers (TUPAD) Orientation and Awarding of Check bilang bahagi ng programa ng Department of Labor and Employment katuwang ang opisina ni Senator Risa Hontiveros sa pamamagitan ng Public Employment Service Office (PESO) sa pamumuno ni CGDH-I Eleanor T. Bruno noong ika-24 ng Nobyembre 2023 na ginanap sa Magsaysay Covered Court, Alaminos City, Pangasinan.
Katuwang sa nasabing aktibidad sina Senior and Labor Employment Officer Mhel Santiago Gaspar at Punong Barangay ng Tawin-Tawin Riclie B. Camba.
Sa pamamagitan naman ni Councilor Carolyn Dizon-Sison, ipinaabot nya ang mainit na pasasalamat ni Mayor Arth Bryan C. Celeste sa DOLE sa programang nakakatulong sa ating mga kababayan. Gayundin si Mr. Moises Cipriano bilang kinatawan ni Senator Risa Hontiveros.
Layunin ng programa na matulungan ang mga nasa impormal sektor na magkaroon ng pansamantalang trabaho upang makatulong sa kanilang pamilya at maging sa komunidad.
Source LGU Alaminos
Panulat ni Manlalakbay
