Naghatid ng tulong ang Pamahalaang Lungsod ng Angeles para sa dalawang pamilya na nasunugan sa Brgy. Cuayan, Angeles City nito lamang Miyerkules, ika-8 ng Pebrero 2023.
Ito ay pinangunahan ng mga tauhan ng City Social Welfare and Development Officer sa ilalim ng pamumuno ni Hon. Carmelo “Pogi” Lazatin Jr., City Mayor.
Nabigyan ng mga pagkain, hygiene kits at mga banig ang naturang pamilya.
Sinisiguro ng Pamahalaang Lungsod ng Angeles na patuloy maghahatid ng tapat na serbisyo sa mga mamamayan sa kanilang nasasakupan.
