Nagtulungan ang iba’t ibang opisina ng Lungsod ng Angeles sa pagtatanim ng mga puno sa Angeles City Watershed ng Barangay Sapangbato, Angeles City, Pampanga nito lamang Biyernes, ika-23 ng Setyembre 2022.
Nakiisa sa aktibidad ang mga tauhan ng City Environment and Natural Resources Office (CENRO), Angeles City Public Cemetery, City Treasurer’s Office, Barangay Affairs and Public Assistance Center at Association of Government Employees for a New Dynamic Angeles City.
Ang aktibidad ay bahagi ng pagsisikap ng lungsod sa pagbabalik ng ganda at yabong ng mga puno sa nasabing watershed na sinimulan pa noong taong 2020.
Bukod dito, hinihikayat ng lungsod ng Angeles ang lahat ng pribadong sektor at Non-Government Agencies na mag-adopt ng ilang lugar sa watershed upang mapanatili ang kagandahan at pangangalaga nito.
