Tumagilid ang isang trak dahil nawalan ng preno sa Sitio Abat, Brgy. Poblacion, Bokod, Benguet nito lamang Martes, Oktubre 4, 2022.
Ayon sa ulat ng Bokod PNP, ang trak ay binabaybay ang kalsada ng Bobok-Bisal, Bokod, Benguet kung saan nawalan ng preno na dahilan ng pagkabangga sa kanang bahagi ng kalsada at pagtagilid ng naturang trak.
Ligtas naman ang drayber at isang kasama nito.
Pinapayuhan ng mga awtoridad ang mga motorista na laging suriin ang sasakyan bago bumiyahe para maiwasan ang aberya at aksidente sa daan.
