Pormal nang ipinakilala ng Philippine Military Academy ang Top 10 mula sa mga magsisipagtapos na kadete ng PMA MADASIGON (MAndirigmang may DAngal SImbolo ng Galing at PagbangON) Class of 2023 nito lamang ika-8 ng Mayo 2023.
Ang Top 10 Cadets ay binubuo ng limang babae at limang lalaki. Kinilala bilang class valedictorian si Cadet 1CL Warren Leonor mula sa Lipa City, Batangas na tatanggap ng 15 awards, kabilang ang Presidential Saber.
Class salutatorian naman si CDT 1CL Edmundo Logronio mula Manito, Albay at tatanggap naman ng Vice Presidential Saber at lima pang awards.
Kinilala naman bilang Rank 3 si Cadet 1CL Nicole Sarmiento mula sa Butuan City, Agusan Del Norte. Rank 4 si Cadet 1CL Zhen Zhen Cayton mula sa Dupax del Norte, Nueva Vizcaya. Rank 5 si Cadet 1CL Rez Mark Cantor muls sa Bugallon, Pangasinan at tatanggap din ng Philippine Navy Saber, at Australian Defense Best Overall Performance Award.
Rank 6 si Cadet 1CL Rojan Macario mula sa Talon-talon, Zamboanga City. Rank 7 si Cadet 1CL Samuel Banac mula sa West Fairview, Quezon City. Rank 8 si Cadet 1CL Kimberly Kate Lawingan mula sa Sadanga, Mountain Province. Rank 9 si Cadet 1CL Rico Jay Fernandez mula sa Molave, Zamboanga del Sur na tatanggap din ng Association of Generals and Flag Officers, Inc. Award, at Department of Leadership Plaque. Rank 10 naman si Cadet 1CL Arla Krish Bahingawan mula sa Kiangan, Ifugao.
Ang graduating class ay binubuo ng 311 strong cadets, na may 239 na lalaki at 72 na babae kung saan 158 kadete ang papasok sa Philippine Army, 76 sa Philippine Air Force at 77 naman sa Philippine Navy.
Nakatakdang magtatapos sa Mayo 21, 2023 kasama si Pangulong Ferdinand R. Marcos, Jr. bilang Panauhing Pandangal at Tagapagsalita.
