Matagumpay na naisagawa ang TB Caravan at Blood Donation Activity sa Dominican-Mirador Barangay Hall, Extension Rd, Baguio City noong Mayo 29, 2025.
Ang aktibidad ay may temang “Prevention is better than Cure”, na isinagawa sa inisyatiba ng City Camp District Health Center at ng Rotary Club of Guiguinto Premier (RCG) upang palaganapin ang kaalaman sa pag-iwas sa tuberculosis at hikayatin ang pagdodonate ng dugo.
Lubos ang pasasalamat sa masisipag na kawani ng City Camp District Health Center, mga miyembro ng RCG Premier, Barangay Nutrition Scholars (BNS), Barangay Health Workers (BHWs), mga barangay tanod, at mga kasapi ng Barangay Council sa kanilang walang sawang suporta.
Layunin ng programang ito na ipaalala sa lahat na ang maagap na pangangalaga sa kalusugan ay mahalaga sa pag-iwas sa sakit at sa pagligtas ng buhay.
Ang kanilang malasakit at pagtutulungan ang naging susi sa tagumpay ng aktibidad, na patunay ng ating pagkakaisa tungo sa isang mas malusog, mas may kaalaman, at mas mahabaging komunidad.
