Isinauli ng taxi driver at ng kanyang dalawang pasahero ang isang bag na naglalaman ng pera at mga mahahalagang dokumento sa Precint 73, Baguio City nito lamang Hulyo 12, 2022.
Habang namamasada ang taxi driver na si Mr. Kitayan Manuel Kaladosa sa Baguio City at sakay ang kanyang dalawang pasahero na si Mr. Sagun Rudy Pacleb Jr at Ms. precious Loislane Campelario, ay napansin nila ang isang itim na bag sa tabi ng kanilang inuupuan na kanilang pinaniniwalaan na ito ay naiwan ng mga naunang pasahero.
Agad naman nilang binuksan ang laman ng bag upang malaman nila kung mayroong silang makukuhang impormasyon tungkol sa may-ari ng bag at dito nga ay nakita nila ang malaking halaga ng pera at mahahalagang dokumento.
Kaya naman naisip nilang pumunta sa pinakamalapit na police station upang isurender ang nasabing bag at matunton ang nagmamay-ari nito.
Dahil sa tulong ng mga kapulisan ay nakontak nila ang may-ari ng bag at muling naibalik ang kanyang bag na naglalaman ng malaking pera at mahahalagang dokumento.
Labis naman ang pasasalamat ng may-ari ng bag sa taxi driver at sa dalawang pasahero dahil sa kanilang tapat at busilak na puso.
Source: BCPO Abanao
