Matagumpay na naisagawa ang dalawang araw na “Stress Debriefing cum Team Building Activity for LGU Alaminos Facilitators/Scout Masters” na isinagawa sa Mountain Lake Resort in The Hamptons Caliraya, Brgy. East, Talaoangan, Cavinti, Laguna nito lamang Setyembre 16-17, 2023.
Ang aktibidad ay bahagi ng Mental Health Program ng Lokal na Pamahalaang Lungsod ng Alaminos na napuno ng saya, kulitan at aral ang dalawang araw na aktibidad na may layong pagtibayin pa ang samahan, tiwala at pagtutulungan ng mga partisipante.
Ito ay isang paghahanda din ng tanggapan at ng mga Scout Masters para sa taunang Mental Health Program para sa lahat ng mga empleyado.
Ipinahayag ni City Mayor Arth Bryan C. Celeste ang kanyang pagbati sa lahat ng mga kalahok. Gayundin, ang kahalagahan ng programa para sa kanilang mental, emosyonal, at sikolohikal na aspeto.
Samantala, may mga inihanda rin na mga palaro kung saan ipinamalas ng bawat grupo ang kanilang liksi at iba’t ibang teknik upang manalo at sa huli ay nagkaroon ng Awarding Ceremony at lahat ay nabigyan ng awards at prizes.
Hindi naman tumitigil ang lokal na pamahalaan sa pagsasagawa ng mga ganitong aktibidad na nakakatulong sa mga empleyado upang higit pa nilang paghusayin ang paghahatid ng dekalidad na serbisyo publiko.
Source: HRMO-City Government of Alaminos, Pangasinan
