Muling namahagi ang Lokal na Pamahalaan ng Angeles City ng mga school supplies sa lahat ng mag-aaral ng Don Ambrocio Integrated School, Angeles City nito lamang Huwebes, ika-31 ng Oktubre 2024.
Ang naturang programa ay pinamunuan ni Mayor Carmelo Lazatin Jr., katuwang ang mga konsehal at SK President. Labis ang tuwa ng mga bata nang makatanggap ng libreng school supplies na kinabibilangan ng backpack, school shirt, sapatos at medyas, textbooks, crayons, at notebook.
Ayon kay Mayor Lazatin, “Walang kabataang Angeleño ang maiiwan pagdating sa edukasyon.”
Layunin ng programang ito na matulungan ang mga mag-aaral at mga magulang na mabawasan ang mga gastusin sa pag-aaral.
Ang naturang aktibidad ay alinsunod sa adbokasiya para sa Bagong Pilipinas, na nagbibigay ng tulong at pagkalinga sa mga mag-aaral upang masiguro ang maayos na edukasyon at mas magandang kinabukasan.
