Napuno ng hiyawan at palakpakan ang Alaminos City Sports Complex sa ginanap na Hiphop Dance Showdown nito lamang ika-10 ng Agosto taong kasalukuyan.
Ang nasabing programa ay inisyatibo ni SK Federation President Loverly Bernabe katuwang ang Lokal na Pamahalaang Panlungsod ng Alaminos, sa pamumuno ni Mayor Arth Bryan C. Celeste, at Local Youth Development Council (LYDC).
Layunin ng aktibidad na ipakita ang suporta para sa kampanya laban sa ilegal na droga sa pamamagitan ng pagsasayaw at maging inspirasyon sa iba pang mga susunod na henerasyon para maiwas sila sa mga bagay na masisira ang kani-kanilang mga kinabukasan.
