Sugatan ang isang driver matapos aksidenteng nabagsakan ng bato ang minamanehong sasakyan sa Kennon Road, Tuba, Benguet nito lamang Mayo 1, 2023.
Kinilala ang driver na si Roldan Awisan Pulicat, 32 anyos at residente ng KM 18, Ambassador, Tublay, Benguet.
Batay sa ulat, patungong Dagupan ang minamaneho niyang sasakyan at nang madaan sa kahabaan ng Kennon Road ay nabagsakan ng tipak ng bato ang windshield ng sasakyan sanhi ng mawalan ng kontrol ang driver at nagtamo ng galos at sugat.
Agad naman dinala ang biktima sa hospital para sa medikal na atensyon ng mga rumespondeng Emergency Team at miyembro ng Tuba PNP.
