Taos-pusong nagpapasalamat si Mayor Arth Bryan C. Celeste sa handog na pagmamahal at malaking kontribusyon ng Rotary Club of Manila San Miguel sa pangunguna ni Ginang Modesta Purganan-Mammuad, 2023 President at Antipolo City Dental Chapter sa ilalim ng pamumuno ni Dr. Juvy T. Canaleta D.M.D, para sa mga mag-aaral at mamamayan ng Brgy. Amangbangan at sa buong lungsod ng Alaminos City, Pangasinan nito lamang ika-20 ng Hulyo 2023.
Kabilang sa isinagawang Humanitarian Services na isinagawa sa Amangbangan Elementary School ay ang Medical-Dental Mission, Mother-Child Feeding Program, Medical Equipment and Chairs Donation para sa Brgy. Health Center, Story Reading, at Donation of Sports Equipment and School Supplies.
Kasama ang iba’t ibang sektor at line agencies, nagtanim din sila ng mga punong kahoy sa mga gilid ng kalsada, tabing ilog, at mga bakanteng lote sa nasabing barangay bilang suporta sa climate change mitigation efforts at sustainable environmental protection program ni Mayor Art Bryan at ng pamahalaang lungsod.
