Nagsagawa ng Relief Operation ang DSWD Field Office 3 para sa mga lubos na naapektuhan ng Bagyong Carina sa Plaridel, Bulacan nito lamang Huwebes, ika-1 ng Agosto 2024.
Ang aktibidad ay inisyatibo ng DSWD Field Office 3 sa ilalim ng pamumuno ni Ms. Venus F. Rebuldela, Regional Director.
Nasa 1,073 na family food packs ang naipamahagi na naglalaman ng libreng bigas, de lata, noodles at mga kape at gatas.
Patuloy pa rin ang ating pamahalaan sa pamamahagi ng kaunting tulong at pag-asa sa mga kababayan nating nasalanta ng Bagyong Carina upang matugunan ang kanilang agarang pangangailangan.
