Nagsagawa ng first semester Business Meeting ang Regional Research, Development and Innovation Committee (RRDIC) ng Regional Development Council (RDC) Region 02 na ginanap sa Pamegafanan Hall, NEDA-RDC Building, Carig Sur, Tuguegarao City noong ika-23 ng Mayo 2023.
Ang naturang pagpupulong ay pinangunahan ni DOST Regional Director, Dr. Virginia G. Bilgera.
Tinalakay sa pagpupulong ang mga bagong usapin at mga pangunahing hakbangin kagaya ng Knowledge Innovation Science and Technology (KIST) Park, Smart and Sustainable Communities Knowledge and Innovation Center, Innovation Science and Technology for Acceleration Region Transformation (iSTART) at pagpapahayag ng mga impormasyon para sa suporta sa Department of Agriculture – Cagayan Valley Research Center (DA- CVRC).
Samantala, ang Regional Technical Working Group (RTWG) ng RRDIC ay naglatag ng reports at achievements para sa diskusyon at suporta.
Ang RTWG ay itinatag upang mapalawig ang kapabilidad ng pagbabago, pananaliksik, at pagpapaunlad sa pagsisimula ng ecosystem.
