Muling umarangkada ang proyektong “Palit Basura – My Kalikasan Savings” ng Pamahalaan ng San Ildefonso sa Barangay Nabaong, San Ildefonso, Bulacan nito lamang Biyernes, ika-6 ng Setyembre 2024.
Ang programang ito ay isang inisyatibo ni Mayor Gazo Galvez, katuwang ang Municipal Environment and Natural Resources Office (MENRO) na pinamumunuan ni Mr. Michael Jordan Veneracion.
Nakatanggap ang mga residente ng biskwit, condiments, at de-lata kapalit ng mga plastik na kanilang nakolekta sa kanilang lugar.
Malaki ang tuwa at pasasalamat ng ating mga kababayan na nakatanggap ng tulong dahil nakapagbigay ito ng malaking ginhawa, lalo na sa kanilang pang-araw-araw na pagkain.
Ang proyekto ay naglalayong panatilihin ang kalinisan at kaayusan upang mabawasan ang polusyon at epekto nito sa kalusugan, alinsunod sa layunin ni Pangulong Ferdinand Marcos para sa “Bagong Pilipinas.”
