Matagumpay na natapos ng Department of Public Works and Highways (DPWH) ang Php12,000,000 halaga na road concreting project sa Concepcion, Tarlac.
Ang pagkonkreto sa 823-lineal meter road sa pangunguna ng Tarlac 2nd District Engineering Office ay pinondohan sa ilalim ng FY 2022 General Appropriations Act.
Ayon kay Engineer Hermon Ines, District Engineer, ang proyektong ito ay lubos na mapapabuti ang pagbiyahe ng mga residente papunta at paalis sa kanilang lugar partikular ang mga nakatira sa barangay ng San Martin at Lilibangan.
Dagdag pa ni Eng. Ines, bago ang pagpapatupad ng proyektong ito, nasanay na ang mga residente sa mga maruruming kalsada na halos hindi madaanan kapag tag-ulan.
Ibinahagi rin ng mga residente na ang mga hindi sementadong kalsada ay delikado sa mga motorista dahil nagiging madulas ang mga ito kapag tag-ulan habang ang alikabok ay nagpapahirap sa mga biyahero na i-navigate sa panahon naman ng tag-araw.
Sa pagkakaroon ng sementadong kalsada, mas ligtas at mas maginhawa na ang paglalakbay ng mga residente sa dalawang barangay lalo na ang mga magsasaka na maaari nang maghatid ng kanilang mga produktong pang-agrikultura anumang oras.
Source: https://pia.gov.ph/news/2022/05/23/dpwh-completes-road-concreting-project-in-concepcion?fbclid=IwAR18Tzhjg8O8940LluM746BZBe4IIru5009QB2UrFBOC9epszYTQp83b7FI
pia.gov.ph
