Nagpamahagi ang Department of Agriculture (DA) ng mga makinarya sa Farmers Cooperative and Association (FCA) sa probinsya ng Nueva Vizcaya, partikular sa bayan ng Bagabag.
Ayon kay Arsenio Apostol Chief ng DA Nueva Vizcaya Experiment Station, (NVES) ang mga makinarya na ngkakahalaga ng Php111 Milyon na mula sa Rice Competitiveness Enhancement Mechanization (PhilMech) at ipapamahagi sa 28 FCA sa iba’t ibang bayan ng nasabing Probinsya bilang pagtugon sa Modernization Program ng pagsasaka.
Idinagdag pa ni Apostol, “These farm machineries were given to farmers to boost the agricultural modernization program of the national government.”
Pinangasiwaan ni Dr. Ofero Capariño, PhilMech OIC Assistant Director 2, kasama ni DA RFO 2 na si Engr. Henry Somera, Office of the Senator Cynthia Villar sa katauhan ni Ginang Megan Galang, Governors Carlos Padilla Office sa katauhan ni Board Member Patricio Dumlao, at ni Mayor Benigno Calauad ng Bagabag ang pamamahagi ng mga nasabing makinarya.
Source: PIA Nueva Vizcaya.
