Cagayan – Isang makulay na Peace Run na may temang “Takbong Cagayano para sa Makulay na Kapayapaan” ang masayang nilahukan ng mga Cagayanos na ginanap sa SM Tuguegarao City Grounds, Tuguegarao City, Cagayan nitong ika-30 ng Setyembre 2023.
Aktibong nakiisa sa aktibidad ang mga tauhan mula Bravo Company ng 5th CMO “Kabalikat” Battalion, 5ID, PA, 17th Infantry Battalion, PA, 95th Infantry Salaknib Battalion, National Intelligence Coordinating Agency RO2, PIA Region 2, Marine Battalion Landing Team-10, KKDAT, BFP Tuguegarao, Police Regional Office 2, Cagayan Provincial Police Office, 164th Naval Reserve Officers Training Corps Unit-University of Cagayan Valley at staff ng SM City.
Ang nasabing aktibidad ay inorganisa ng pinagsanib na pwersa ng Rotaract Club of Tuguegarao at Youth for Peace Cagayan Chapter.
Ang matagumpay na aktibidad ay naglalarawan hindi lamang pagkakaisa ng iba’t ibang ahensya tungo sa kapayapaan, kundi nag-iwan din ng kasiyahan para sa lahat ng dumalo.
Ang aktibidad na ito ay nagbuklod sa sama-sama at iisang hangarin ng iba’t ibang sektor ng lipunan na magkaroon ng mapayapa at nagkakaisang komunidad tungo sa pangkalahatang kaunlaran.
Source: 5th Infantry Division, PA
