Impanamnama ni Senador Panfilo “Ping” Lacson a ti panagsuko ti Kalayaan Island Group (KIG) ket saan laeng a bassit a desisyon no di ket kas la met ti panagsuko iti entero a Luzon wenno iti amin a Republika ti Pilipinas iti China. Segun kenkuana, ti KIG ket paset ti soberaniya ti pagilian ken adda daytoy ti napigsa a legal a pundasyon iti babaen ti international law.
Iti maysa a post ni Sen. Lacson iti X (dating Twitter), impalawagna a iti babaen ti international law, ti umuna a nakadiskubre ken nangipakita iti aktuwal a panag-ari iti daga a saan pay nga agpagpagian ket maibilang a lehitimo nga ag-ari daytoy. Daytoy ket mabigbig iti legal a prinsipyo a “res nullius” wenno “terra nullius,” a mangibaga iti sovereign ownership iti maysa a teritoryo.
Segun pay iti senador, saan laeng a para kadagiti abogado daytoy a konsepto, ta naadal met daytoy uray kadagiti di-abogado iti eskuela. Gapuna, saan a rumbeng a marikna laeng a kas maysa a politika a pahayag no di ket kas maysa a napateg a legal ken historikal a kinapudno a masapul a salimetmetan.
Impasngayna daytoy a pahayag kalpasan ti mungkahi ni Sen. Rodante Marcoleta iti maysa a panagdengngeg ti Senado, nga imbalakadna a ipamigayen laeng ti Kalayaan Island Group tapno maliklikan dagiti tensiyon iti rehion. Para ken Sen. Lacson, daytoy a panagkitkita ket makadadael iti interes ti nacion ken iti dignidad ti panagilian.
Ingiit ni Sen. Lacson a ti Kalayaan ket saan laeng a pulos a isla, no di ket maysa a munisipalidad ti probinsia ti Palawan, ken pagtaengan ti agarup 300 a pamilyang Pilipino, nangruna iti Pag-asa Island. Segun kenkuana, ti kaadda dagiti Pilipino idiay ket mangpaneknek a adda aktuwal a panag-ari ken panagaramid ti estado iti daytoy a teritoryo.
“Nang narinig ko sabi ni Sen. Marcoleta na ipamigay na lang natin, hindi ako makapigil doon kailangan liwanagin natin kasi sa atin ‘yan at may basehan kung bakit atin ‘yan. [Nang nadngegko nga impanukala ni Sen. Marcoleta nga ipamigay laeng, saanak a nakapigil ta masapul a mailawlawag a kukuatayo daytoy ken adda rason ken ligal a basaran no apay a kukuatayo],” kinuna ni Lacson iti maysa a panag-interbyu iti radyo.
Innayona pay a saan na a matanggap ti argumento a adda ti KIG iti ruar ti EEZ, ta uray kasta, adda metten dagiti Pilipino a permanente nga agnaed iti Pag-asa Island, a mangipakita iti napigsa a panagtagikua ti Pilipinas iti Kalayaan Island Group.
