Kinuna ni PGen Jose Melencio C. Nartatez Jr., PNP Chief, a ti panagpromotarna iti ranggo a four-star police general ket saan a mangbaliw iti dagiti bilin ken aramiden ti Philippine National Police (PNP).
“What I said last Aug. 26, that’s still what I’m ordering the PNP to do (Ti imbagak idi Aug. 26, isu met laeng ti bilin ko ita iti PNP),” kinuna ni CPNP Nartatez kalpasan a naawatna dagiti arrival honors gapu iti panagpromotarna idi kalman, Enero 28, 2026.
Impatang ni PGen Nartatez a dagiti bilin ti Presidente ket agtultuloy: ipagpatingga ti trabaho ti PNP, siguradoen a natalged ti komunidad, ken pabassiten ti krimen. “That’s what we’ve always and continuously done (Daytoy ti agtultuluy nga aramidenmi),” inayonna.
Idi Miyerkules, pinaneknekan ti Malacañang a pinromotar ni Presidente Ferdinand Marcos Jr. ni PGen Nartatez iti ranggo a four-star ken pinunno ti titulo na a PNP chief.
Naipaayan isuna iti posisyon a Acting PNP Chief idi Agosto 26, kalpasan a naikkat ti dating hepe a ni PGen Nicolas Torre III gapu iti isyu iti Napolcom. Saan pay a napromotar ni Nartatez idi ta saan pay a nagretiro ni Torre. Kas kadawyan, ti hepe laeng ti PNP ti makagun-od iti four-star rank.
Maipanggep ken Torre, kinuna ni PGen Nartatez a dagiti opisyal ket umay ken umalis. Nagretiro ni Torre ken adda itan iti sabali a ahensiya, ti MMDA. Idi napalabas a lawas, nagrelease ti PNP ti order para iti optional retirement ni Torre, ngem kinuna ni Torre a saan isuna a nag-aplikar. Nagbalin isuna a MMDA general manager idi Disyembre 2025.
Ti daytoy a panagbalbaliw ti nangpalubos a mapromotar ni PGen Nartatez kalpasan ti lima a bulan a panagserbina a kas Acting Chief.
No dinamag no adda panagbalbaliw kadagiti senior police officials, kinuna ni CPNP Nartatez a adda met laeng panaggalaw gapu ta adda agretiro ken adda met mapromotar.
